منتديات الحزين فلسطين

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتديات الحزين فلسطين

مرحبا بكم في منتديات الحزين فلسطين


3 مشترك

    قصيدة باللهجة العامية الفلسطينية " مشتاق "

    avatar
    غصن الورد
    المشرف العام
    المشرف العام


    الدولة : فلسطين
    انثى
    عدد المساهمات : 14
    نقاط : 30
    تاريخ التسجيل : 31/07/2011
    العمر : 33

    قصيدة باللهجة العامية الفلسطينية " مشتاق "  Empty قصيدة باللهجة العامية الفلسطينية " مشتاق "

    مُساهمة من طرف غصن الورد الخميس أغسطس 04, 2011 7:58 pm

    مشتاق لخيوط الشمس

    تغزل فرح

    وتغني جوايا



    مشتاق يمايا



    مشتاق لخيوط الفجر

    ساعة نهار تبان



    ترسم على حدود

    العمر

    ضحكة طفل غفيان



    وتغني فيروز الصبح

    وتغازل الجدران



    وتندن طيور الصباح

    الورد في البستان



    يخسارة صرنا في الحلم

    نحلم زمان وكان



    يخسارة يسنين العمر

    شو بدل الي كان



    صار العمر لحظة

    ومشت

    وتبدلت الأزمان



    صار المجد يشكي العهر

    وتغير العربان



    صار النصر غنيوة يا عبد الحليم

    وسافر الركبان



    شوف العراق شحالها

    تبكي شرف منهان



    والعامرية الي خطفها

    من العمر سكران



    اما النجف يا حسرتي

    سيف الغدر شيطان



    ولا القدس

    وين القدس .. في حسبة

    العربان



    طارت بلابلها

    وحكم صوت النغم

    غربان



    يا خيبة أصحاب المجد

    لما العزيز انهان



    روحي معي

    نوصل شاتيلا

    وصبرا في لبنان



    دم الصبايا إل نطق

    في منطق الحيران



    دم الطفولة إل رسم

    جرحو على الحيطان



    في كل شارع قصة

    مجبولة بأسى

    وملونة بحرمان



    مين السبب لو جينا

    نحكم

    ننصب الميزان



    شعبي الي نايم في الردم

    واتعود الكتمان



    ولا حكومات العهر

    والذل والبهتان



    فوق العروش مكرشة

    حكم الوطن خوان



    دمية وبحركها صليب

    ومنجل وقضبان



    وشعوبنا يا حسرتي

    خلف الرغيف تعن



    لما الفقر وصل العقل

    صار العمر بيأن

    ماشي وحيران بحياتو

    مثل ثور وجن



    لما يقولو امركة

    لما يقولو عولمة

    نعسان

    لما يقولو رغيفك المسروق

    عقول يجن



    الله اكبر يا لسان

    تكتف بجوعو

    متى حتحن



    وصل الردي لعيون طفلك

    والبقية جن

    ما حن قلبك للصبية بتغتصب

    ما حن



    ما حن قلبك للعيون الدامية

    ما حن



    ما شفت ثوب العرس

    يننزف في ضمير

    العامرية

    دم



    ما شفت طفل ميتم بغزة

    وأم تلون بقلبا

    القهر

    والهم



    ما شفت صيدا والدمى بتسيل

    فوق قلوبها

    حسرة

    والعين تبكي غم



    *********



    يا ريت تصحي يا شعب

    وتغير المعهود



    تحرق حكومات الردي

    قادة وما الها عهود



    قبلت تخلينا سبايا

    ومن نسانا تجود



    اصحي وغير هالوضع

    بلكي الي كان

    يعود

    نفرح ومن تاني نغني

    للفجر عالعود



    وتغني فيروز الصبح

    يا ليل السهارى عود
    Alhazeen Palestine
    Alhazeen Palestine
    المدير العام
    المدير العام


    الدولة : فلسطين
    ذكر
    عدد المساهمات : 8345
    نقاط : 24162
    تاريخ التسجيل : 27/02/2010

    قصيدة باللهجة العامية الفلسطينية " مشتاق "  Empty رد: قصيدة باللهجة العامية الفلسطينية " مشتاق "

    مُساهمة من طرف Alhazeen Palestine الخميس أغسطس 04, 2011 8:22 pm

    مشكورة اختي على القصيدة
    تحياتي
    محمدالحاتم
    محمدالحاتم
    الـمـشـرف الـعـام
    الـمـشـرف الـعـام


    الدولة : فلسطين
    ذكر
    عدد المساهمات : 3148
    نقاط : 5341
    تاريخ التسجيل : 09/05/2011
    العمر : 51
    . : قصيدة باللهجة العامية الفلسطينية " مشتاق "  251764770

    قصيدة باللهجة العامية الفلسطينية " مشتاق "  Empty رد: قصيدة باللهجة العامية الفلسطينية " مشتاق "

    مُساهمة من طرف محمدالحاتم الخميس أغسطس 04, 2011 8:29 pm

    يسلمو على القصيده باللهجه العاميه
    كلمات جميله ورائعه
    تحياتي

      الوقت/التاريخ الآن هو الجمعة مارس 29, 2024 2:51 pm