بلد بيلعب فيها فار

دمعك يا بلدنا حراق

يا وردة بيضاء في أيدين عشاق

بنخاف عليك من السراق

وبنخاف عليك من النفاق


وبنخاف عليك من الأنفاق

مصوا دمك وقالوا أرزاق

والرزق على رب الخلاق !!


أنا صدري يا بلدنا منهم ضاق

ومن اللي شوفته في الأنفاق

واحد صايع واحد ضايع

واحد فايع تاع طلايع

بيشرب عرقك ويقول أرزاق

ومرة تصيب

ومرة تخيب

ويركب جيب

ويطوط بيب


ويقولك باي باي يا حبيب

وقلب أمك

يودي ويجيب

سيبك يا ابني من البلاوي

مش ناقصين قصص وحكاوي

وقولي على أيش أنتا ناوي

بتبيع نفسك للسراق

وبتمشي في طريق الأنفاق

ويجري الموت وراك مشتاق

هو أنتا حشرة هو أنتا فار

نازل في الأرض حفار

ومتر يجر ورآه أمتار

لا بتعرف ليل ولا نهار

بايع نفسك للسمسار

وللي على بلدنا وولدنا جار

وبلد بيلعب فيها فار

والنظام فيها انهار

ولسا الحبل ع الجرار

بلدي وعقلي فيها احتار

واحد بيشرب فيها مرار

وواحد بيلعب في الدينار

واحد بيلعب فيها قمار

وكبر الواطي وفيها صار

يركب جيب

ويطوط بيب

ويقولك باي باي يا حبيب

وبلد بيلعب فيها فار

مش ح يطل عليها نهار

وأنا نفسي يكبر هالأعصار

سيبك يا بني من التجار

هدى طريقك ذل وعار

بكرة النفق عليك ينهار

وقلبي يولع بعدك نار

وصاحب النفق يبني عمار

ويروي من عرقك أشجار

ويشرب على قبرك سيجار

ويركب جيب ويطوط بيب

ويقولك باي باي يا حبيب

مرسييييييييييييييييييييييييييييييي الككككككككك