كان يا ما كان

وين الزمان

وين الزمان اللي مضى ول كان
و أيـــام فيها رجــــــع للماضي

و جيران عم يتقاسمو الضحكه
و جاره هموم القلب عـم تشكي

و الكل ع حكـم القــــدر راضي
كان الهـنا بالناس بالإيــــــمان

و ما بعــــــمرو حكـَّـم القاضي
كلمـــــــة شـرف كانت بتقضي

و فلان ما عمرو اشتكى ع فلان
و القلب كان من الحقــــد فاضي

*****
كان القمر ع سطيحة الجيران
يـِلفي بنــــــــورو يبـــدد الآلام

لما بوجهو يطل عالـــــــوديان
يعمل صور عن قدرة الرحمان

و الصبح كان يـِفـَيِّـقْ النـــيَّـام
بضحكة فجر حامل معو المرجان

قـــــــــــديش حلوه كانت الأحلام
يا ريتها بترجــع هـــــــاك الأيام

و نعــــــــود نسمع ستك و ستي
يحكـو حكايــا " كان يا ما كان"

بيوت الهـــنا شبابيكها بالصيف
عليها صبايـا الحسن عم توعى

و كلمة هــلا المْشَرعه للضيف
بتحسها بالقلب مسموعـــــــــه

عــــادات حلوه الطِـيب كَـوّنها
بهمسه لطــيفه الطـُهر لـَوَنـْها

بتســـــمع الأم بآه موجــوعـه
ناطــــرا الغيَّـــاب يما الطــيف

يحمل وجــــــوه الغـايبه عنها
و هموم يجــلو بقلب مزروعه

==============

حكمة عمك أبو الحب :

كـان الماضي بانــــوارو
ليـــــلو يفـرح بنهــــارو

بليلو حكايـات الحــلوين
نهـارو ضحكات زغـارو

صرنـا بعالـــم مهمومين
من المحـــبه محرومـين

لا الخي بيعــــــرف خيو
و لا الجار بيحكي جارو

مرسييييييييييييييييييييييييييييييي الككككككككك