كلمات اغنية تحية للقائد معمر القذافي للفنان الجزائري Karim Elgang
كلمات اغنية الفنان الجزائري الرائع Karim Elgang اغنية تحية للقائد معمر القذافي
كلمات اغنية تحية للقائد معمر القذافي
صورة شهيد الصمود الشهيد القائد معمر القذافي
صورة الفنان كريم & صورة القائد القذافي
كلمات الاغنية
يا حقار .. أقسم بالله نشعلك .. نشعل فيك النار ..والله نشعلك ..يا حقار المسلم راجل يكره الحقرة ..ماشي جاهل من التاريخ متعلم ومدي العبرة .. الجزائري كي دار الثورة ما خممش في الخسارة ما استعنش بحلف الناتو نتاع اليهود والنصارى .. والشعب التونسي الاعزل كي طيح بن علي خطراك وصل منع المواطن باه يصلي ..الشعب المصري أعزل طيح مبارك حسني خطراك عميلو هو اللي ضيع فلسطين بثورة في أفغانستان ..او فرق يا انسان بين ثورة على الحرية وثورة على الاسلام.. هبط علامك وبيدك رافع علام فرنسا ..حاب تتلونسا حاب الكباري والبار ..درتو العار كي عدتو جبناء كبار ..التريسيتي والماء بلاش ..المازوت بلاش الغرامة ما كانش وفي البن الربا ما كانش .. الطالب لي يتخرج دارلو اللزعيم شهرية..والليبي ممنوع عليه باه يخدم عند الليبية عايش محترم مكرم واش تقول كي نقولك كل عام يجيه حقو للدار من البترول ..اللي قلبو بارد موحال يحس بالألم..ستندم يا داب يوم لا ينفع الندم جرذ مقمل بالدارجة انت كافي ..كيفاه تمشي في طريق ادعم فيها برنار ليفي.. يا بهيم برنار ليفي يعني صهيوني.. يعني هو اللي يقتل في خوك الفلسطيني ..عدو صديقي أفهم هو عدوي .. يا حمار حل عينك شوف شوية وضوي ..كي دارو الكاريكاتير وسبو رسولك غير القذافي اسحب السفير انتاعو من الدنمارك .. ونهار بوش عدم صدام في بغداد غير القذافي وقف وأعلن الحداد ..وفي وقت ساركو مجد الاستعمار الفرنسي القذافي جاب
كرهوه خطراك نهار احمك الجمهورية طرد كل القواعد العسكرية الامركية .. بكل عفوية يهدر مسكين بقلب صافي .. ما يختلفوش اثنان على شجاعة القذافي ..ثمانية أشهر وهو يدعو للتفاوضات كان قادر يقتلهم كامل مي قلبو أبيض ..هوما اللي شبعو.. هوما اللي يحبو الفوضى قتلو خاوتهم باه اسرائيل تحصد الفايدة ..ياخي هجموا على مخازن السلاح كيما الهمج ..اطاحو على الذخيرة سربي سربي خرج خرج ..ماهوش منطق باه الحكومة تبقى تتفرج ..لوكان سرات في الماريكان قول لاوباما ما يهدرش ..ومن الاسباب الاخرى اللي خلات الامريكان تطمع في ليبيا هي لاكريز مونديال ..من جهة باه ادير الاتفاقيات الكبار ..البترول التسليح واعادة الاعمار ..من جهة اخرى باه تضر المنافسين .. القوى الاقتصادية كيما روسيا والصين..والدليل كي تشوف الصين عندها شركات في ليبيا خسرت مليارات الدولارات ..ونرجعو للثوار لي دارهم الناتو حمار ..ما فاهمين والوا قاعدين احاربو مع الكفار ..ياو مسلم يقتل مسلم في الشريعة حرام ..ونعلبو الحرية اللي تجي على حساب الاسلام ..والاعلام نتاع الخنزيرة راهو دمار ..بالمازوت قاعدين اطفيو في النار ..غير الاخبار من جهة وحدة ما تهمناش أمير قطر قتل باباه وعلاه ما هدروهاش..هذاك النهار قالو سيف الاسلام سلم روحو حابين اطيحو من قيمتو للمشاهدين ..باه اطيحو من عزيمة المجاهدين ..أثروا في الناس عادت الديمقراطية دجي قبل الاسلام سينو ديكتاتورية ..كي عاد معمر ديكتاتور امالا هتلر خاطي ..سترالين قاتل وحدو 20 مليون سوفياتي ..ضحكنا على القذافي في الاول قلنا مهبول كي قال هاذوا ارهاب حابين غير البترول ..في اللخر صح صدق في كل واش كان يقول .. كي عاد الوحيد اللي ينادي على الوحدة ..كي عاد الوحيد اللي فضح الامم المتحدة ..موحال يتحاكم لازم يقتلوه او خطر على امريكا اوروبا اسرائيل وقطر ..المسلمين حفضو الميم وتخطي راسي ..دارتلهم الجزيرة تنويم مغناطيسي ..حايرين وجامي قالو .. وعلاه تتضرب ..غير أمة الاسلام وأمة العرب ..الاسلام ثوار الناتو عندو معاني أخرى ..تتكبر وتتعدى جنسية مع الاسرى صار كيف هكا الرسول انتاعنا وصى ..صار كيف هكا تتعامل مع الاسرى ..يا حمار ما فهمتيش درس عمر المختار ..نهار احكم أسير من ايطاليا واش دار ..وأنت تنكل بجثة لوكلك وقراك ..ياو الحرية بلا اسلام ياو امسح بيها خراك ..ياو عيب تقتل مسلم تحت راية الصليب..ماعليش للوت صابر مام أو ضالم القذافي ..مي محال نقتل مسلم كيفو كيفي ..عزيز قوم ذل بالكف يتضرب ..شوهتو صورة الاسلام والعرب ..كي تقولي جاهل .. هو علابالو بيك جاهل ..على ذيك يخاطب في الجميع بأسلوب ساهل ..كان انتم ذركة فقتو للمسونيين..القذافي هدر عليهم في 1988..اللي قالو صرا ياخي شفناه واش تحساب ماشي تنبؤات الشيئ اللي هدروا كل حساب .. ومن الاسباب اللي خوفت أمريكا والموساد .. حاب ازيد الدينار الذهبي للأقتصاد..شوف معايا تخمام نتاع هذا الانسان ..حاب ينصر الاسلام ويوحد الاوطان ..مي خانو الاعلام وخانوه الجرذان..كي قال راني محال نركع للماريكان ..ياخي اقترح مشروع الوحدة في العلن .. قالهم ما تساعدناش كل واحد يعيش في وطن ..قالهم بيترول ليبيا ماشي تاع الليبي ..قالهم نتاع التونسي والسوداني والمغربي .. تحية ليك في عيني راك انتصرت ..تحية ليك كي واش درا اواش هدرت ..تحية ليك في عيني موحال خسرت ..تحية اللي ولد في سرت ومات في سرت ..تحية للرجال البارود والبندقية ..تحية للي بات في الخيمة العربية ..اوقت تحي تحي تحي احترام وافي للقائد الزعيم معمر القذافي ..القائد الزعيم معمر القذافي
عدل سابقا من قبل Alhazeen Palestine في الأربعاء نوفمبر 09, 2011 1:57 am عدل 1 مرات
