لى الباحثين عن الحكمة

السلام عليكم ورحمة الله وبركاته
اهداء الى كل الباحثين عن الحكمة فى كل مكان وأوان .. الى المؤمنين بقيمة الكلمة فى تشكيل الوجدان .
( المؤلف )

الثعلب والخروف
ثعلب طلب من خروف...... انه يكون صاحب
والصحبة عزوة ........ومشى المنفعة واجب
لما الكلام انطلى .......... على عرة الخرفان
النعجة لافت على .............. المكار ياتعالب
**********
الورد والعليق
الورد فتح على مهله..... والى سبق هو العليق
واللى بيتقدم اهو ............ خدمه الحظ والتوفيق
**********


الأبعد
قدمت لك كل ماعندى ...... وقلت يتمر فى الأبعد
وكأنى أكلتك دردى.............. ساعة ماأعوزك تتبدد
**********

رداحة هانم
رداحة هانم جبلة ......... تفوت عشانها الأخضر
وتفوت عشنها اللى .......... طايب غصنه ومنضر
ولو قابلها الشبح أو قطر أسبانى
يرتد تانى لورا ويتوه عن المصدر
*********
الثعلب والغراب
ثعلب يقول للغراب سمعنا ياكروان
صوت الحنان اللى عندك حرك الأشجان
نعق الغراب فى عجب اختل وزن ومال
اتعشوا بيه الديابة وبطل العشمان
*********
البحر المالح
بيسألوا البحر المالح
ليه رغم ملحك ليك عشاق
قال الاجابة اللى تريح
لكل فوله كيل وأرزاق
*********

كلينتون وكلبه
كترت قضايا التحرش ع الزعيم اياه
الدون جوان الكلينتون يوم عمل مابداه
وبدال ماياخد جزاته عن فساد طبعه
حمل العقاب عنه كلبه قام خصاه وفداه
**********


لسانك حصانك
قالوا الكلام خيره ف قله
وحصان لسانك ياسيدى قله
ولو تريد بانسان ذله
حيضيعك وانت البادى فى حله
********
الباب والترباس
الباب يقول ياترباس قفلت ليه وياى
ع الساقطة قاعد وع اللاقطة رعبت قفاى
ابو زميلك كان مفلس قال ياأبلاكشات
مافات زمان الأمان واخلاقنا فى الياى ياى
**********
((( مما قرأت )))
والبقية تأتى ان شاء الله
مع خالص تحياتى الشاعر..................ررررشة دلع