المقادير :
3 بيضات كبيره الحجم
1 كوب سكر ناعم
2 كوب حليب سايل
1 كوب سميد
نص كوب زيت نباتي او ممكن زبدة
نص كوب دقيق
1ملعقه صغيره بكنج باودر
10 ملاعق حليب بودرة
علبة قشطه للخليط
وتلاته علب قشطه للحشوه
الطريقه :
نحط المقادير السائله كلها في الخلاط الكأس ونخلطهم كويس لحد ماتبقى فاتحه
ونحط المقادير الناشفه كلها في وعاء مناسب ونصب عليها الخليط اللي اتمزج
واخلطه كويس جدا بعدين ندهن الصينية بالزبده او شوية زيت
واصب فيها نص الخليط وادخله الفرن
واسيبه في الفرن دقايق بس وانا واقفه لحد ما يتماسك
ولازم مايتغيرش اللون ولا يتحمر
واطلعها من الفرن واسيبها تبرد وبعدين نبدأ نحط القشطه لازم تكون بارده ومن التلاجه
عشان تكون متماسكة وأفرشها على الوش بعد مايكون برد
وبعدين أصب النص التاني من الخليط بتاعي على مهل فوق القشطه
وادخلها الفرن لحد ماتستوي وتتحمر شويتين ويبقى لونها دهبي
وخلاص اصب عليها( الشربات ) ولازم تكون وسط مش تقيلة ولا خفيفة
نصب على الوش شويه مش كتير عشان ماتكون عايمة على نفسها
وبالهنااا والشفااا
